"ქართული ოცნების" წევრებმა იბიარდის ღონისძიებებზე, რიგის აღმოსავლეთ პარტნიორობის სამიტსა და პრემიერ-მინისტრის დაგეგმილ ვიზიტზე კოალიციის ცენტრალურ ოფისში იმსჯელეს. პოლიტსაბჭოს სხდომაზე საუბარი შეეხო ჩინეთის სოფლის მეურნეობის მინისტრის ვიზიტსა და ჩინეთის მთავრობის მიერ საქართველოსთვის 11 მილიონ დოლარამდე ღირებულების თანამედროვე სპეცტექნიკის გადმოცემის საკითხსაც. პრემიერმა ღარიბაშვილმა აღნიშნა, რომ საქართველოსა და ჩინეთს შორის ურთიერთობის ახალი ეტაპი იწყება. კოალიციის ლიდერმა პოლიტსაბჭოს წევრებს მიაწოდა ინფორმაცია, რომ ახალი სამთავრობო პროგრამის - "ძლიერი რეგიონი ძლიერი საქართველოსთვის" ფარგლებში, გურიასა და აჭარას ესტუმრება და რეგიონების ეკონომიკური პოტენციალის პრეზენტაციას გამართავს.
