„თავისუფალი დემოკრატების“ წევრის ზურაბ აბაშიძის თქმით, ასეთი სუსტი მთავრობა საქართველოს არ ჰყოლია. ამის შესახებ პარლამენტარმა გადაცემა „არჩევანში“ განაცხადა და აღნიშნა, რომ NDI-ის კვლევა რეალურად ასახავს მოსახლეობის პრობლემებს. შეგახსენებთ, რომ ეროვნული დემოკრატიული ინსტიტუტის გამოკითხვის თანახმად რესპონდენტების უმრავლესობა ყველაზე მთავარ საკითხებად ეკონომიკური პრობლემები დაასახელა.
„იმის მაგივრად, რომ ხელისუფლება ზრუნავდეს პენსიების ზრდაზე, ჩვენი მოქალაქეების სოციალურ უზრუნველყოფაზე, პირიქით, ეს ყველაფერი უკან მიდის. ელემენტარული მინიმალური ხელფასი, რომელიც დაახოლოებით 300 დოლარი იყო, დავარდა 200 დოლარამდე. ჩვენი მოქალაქეების ცხოვრება უარესდება“, – განაცხადა აბაშიძებ და აღნიშნა, რომ „ამ დროს მთავრობა არის თვითკმაყოფილი იმითი, რომ, თითქოს, პრობლემები არ არსებობს“.
ამასთანავე ირაკლი ალასანიას თანაგუნდელი აცხადებს, რომ „ქვეყანაში არ არის ის მთავრობაб რომელიც აიღებს პასუხისმგებლობას“ შექმნილ ვითარებაზე. მისი აზრით, მთავრობა ხალხზე არ ფიქრობს.
