ლეიბორისტული პარტიის ლიდერის შალვა ნათელაშვილის თქმით, ივანიშვილი გატაცებულია ოკულტიზმით და მას ადამიანებს ქვები ურჩევნია. ეს განცხადება გააკეთა ნათელაშვილმა გადაცემა „არჩევანში“.
„რუსტავი2“-ის ეთერში განიხილებოდა NDI-ის კვლევა, რომლის თანახმადაც რესპონდენტების უმრავლესობამ პირველ პლანზე ცუდი ეკენომიკური მდგომარეობა წამოსწია. ლეიბორისტის აზრით, ხელისუფლება მხოლოდ საკუთარ ჯიბეზე ფიქრობს და არ ინტერესდება ხალხის სიღარიბით.
„როდესაც არის საუბარი, რომ ამ ხელისუფლებამ გააკეთა არჩევანი ქვასა და ადამიანებს შორის, მე ვიტყოდი, რომ, სამწუხაროდ, ამ ადამიანებმა გააკეთეს არჩევანი საკუთარი ჯიბის სასარგებლოდ. რაც შეეხება ქვებს: მილიარდერი ბიძინა ივანიშვილი გატაცებულია ოკულტიზმით, ქვების შეგროვების ჰობი აქვს. ჩემი ინფორმაციით, ახლაც გამოუგზავნეს ერთი თვითფრინავი ქვები მოზამბიკიდან. ქვები ურჩევნია მას ადამიანებს, იმ ადამიანებს, რომლებმაც გული ამოიღეს, აჩუქეს და ქვეყნის მმართველად გადააქციეს“, - განაცხადა ნათელაშვილმა.
