საქართველოს პრეზიდენტი გიორგი მარგველაშვილი ბრიუსელში ვიზიტის ფარგლებში, მის სამეფო უდიდებულესობას, ბელგიის მეფე ფილიპს შეხვდა.
პრეზიდენტის ადმინისტრაციის პრესსამსახურის ინფორმაციით, შეხვედრისას მხარეებმა ქვეყნებს შორის ურთიერთობებთან დაკავშირებული საკითხები განიხილეს.
მათივე განმარტებით, ბელგიის მეფე ფილიპი რეგიონში არსებული მდგომარეობით დაინტერესდა. საუბარი ასევე შეეხო უკრაინაში განვითარებულ პროცესებს.
"გიორგი მარგველაშვილმა მის სამეფო უდიდებულესობა ბელგიის მეფე ფილიპი საქართველოში მოიწვია", - აცხადებენ პრეზიდენტის ადმინისტრაციის პრესსამსახურში.
