,,ნაცმოძრაობა” მთავრობის ხარჯების შემცირებასა და სავიზო რეგულაციების გაუქმებას ითხოვს. როგორც პარტიის აღმასრულებელმა მდივანმა ზურაბ ჯაფარიძემ ჟურნალისტებთან განაცხადა, მთავრობას დღემდე არ აქვს კრიზისიდან გამოსვლის კონკრეტული გეგმა და დღემდე არ წარმოუდგენია, როგორ აპირებს ბიუჯეტის ხარჯების შემცირებას.
მისი თქმით, ქვეყენაში შექმნილი ეკონომიკური კრიზისიდან გამომდინარე, აუცილებელია მოხდეს მთავრობის ხარჯების შემცირებასა და სავიზო რეგულაციების გაუქმება.
,,ეკონომიკის ზრდის ტემპის ვარდნის გამო, ჩვენ ვთვლი, რომ სასწრაფოდ არის გადასადგმელი ნაბიჯები, რომლებიც ხელს შეუწყობს ეკონომიკის გაჯანსაღებას და გამოიყვანს ქვეყანას კრიზისიდან. საჭიროა სასწრაფოდ მოხდეს: მთავრობის ხარჯების შემცირება,გადასახადების შემცირება ბოლო 2 წლის განმავლობაში მიღებული, მათ შორის სავიზო რეგულაციების გაუქმება. ივანიშვილის მთავრობას არ გააჩნია ამ ნაბიჯების გადადგმის პოლიტიკური ნება და ის უნდა წავიდეს სხვა შემთხვევაში არსებული ვითარება კიდევ უფრო დამძიმდება და ქვეყნის ეკონომიკის შემობრუნებას დასჭირდება არაერთი წელი”, _განაცახდა ჯაფარიძემ.
