უკრაინის პრეზიდენტი დონეცკის აეროპორტის დაბრუნების პირობას იძლევა. პეტრო პოროშენკოს თქმით, უკრაინამ იმ არმიის შექმნა შეძლო, რომელიც გამარჯვებას მოიპოვებს. "ჩვენ გავათავისუფლებთ დონეცკის აეროპორტს, რადგანაც ეს ჩვენი მიწაა. განახლებულ აეროპორტს კი აუცილებლად დაამშვენებს წარწერა "დიდება კიბორგებს,"რათა მომავალ თაობებს არასდროს დაავიწყდეთ მათი გმირობა. რომ არა მათი თავდადება, დღეს მტერი უკრაინის მთელ ტერიტორიაზე იქნებოდა,"-აღნიშნა უკრაინის ლიდერმა. დონეცკის აეროპორტს უკრაინელი კიბორგები იანვრის ბოლომდე იცავდნენ, რის შემდეგაც სტრატეგიული მნიშვნელობის ობიექტი ამბოხებულთა ხელში გადავიდა.
