,,ჩვენი შეხვედრა ევროკომისარ ჰანთან იყო საინტერესო, ორიენტირებული და შედგენილი იმ ძირითად პრიორიტეტებზე, რომელსაც, ჩვენ როგორც ქვეყანა ვავითარებთ ჩვენს ევროპელ პარტნიორებთან”, - ამის შესახებ, საქართველოს პრეზიდენტმა გიორგი მარგველაშვილმა ევროკომისარ იოჰანეს ჰანთან შეხვედრის შემდეგ განცხადა.
პრეზიდენტის განმარტებით, შეხევედრზე განიხილეს ყველა ის მნიშვნელოვანი საკითხი, რომელიც დაგეგმილია ერთ თვეში რიგის სამიტზე და მის შემდეგ. როგორც მარგველაშვილმა განაცახდა, იოჰანეს ჰანთან შეხვედრისას ასევე, დეტალურად განიხილეს შინაარსობრივად დატვირთული და დადებითი ანგარიში, რომელიც ახლახანს გამოქვეყნ ევროკომისიამ.
,,ჩვენ მივიღეთ ძალიან პოზიტიური დასკვნა, რომელსაც ჩვენ დადებითად ვაფასებთ. ზუსტი ორიენტირება იმ განსახორციელებელი რეფორმების დეტალების შესახებ, რომლებიც უნდა გატარდეს ჩვენი საზოგადოების მიერ, ჩვენ განვიხილავთ ამ დასკვნას, როგორც ძალაინ საინტერესო სამუშაო დღის წესრიგს ჩვენი პოლიტიკური განვითარებისთვის. ვფიქრობთ რომ, ამ დასკვნის დეტალებში ინტენსიური ჩართულობის შედეგად ჩვენ მივაღწევთ პოზიტიურ შედეგებს ამ მიმართულებით. ჩვენ მოხარული ვართ ჩვენს ევროპელ პარტნიორებთან თანამშრომლობითა და იდეების ურთიერთგაცვლით. გვჯერა, რომ მეტად დატვირთლი ევროპულად ორიენტირებული დღის წესრიგით, რომელიც ჩვენს საზოგადოებას, მთავრობასა და პარლამენტს აქვს, მივაღწევთ ჩვენს მიზანს უახლოეს მომავალში”, _განაცახდა ბრიუსელში პრეზიდენტმა.
