ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, წინა კვლევასთან შედაგებით ( 2014, აპრილ-აგვისტო), 14 %-ით შემცირდა იმ ადამიანების რაოდენობა, ვინც მიიჩნევს, რომ საქართველო სწორი მიმართულებით ვითარდება.
NDI-ის კითხვაზე ,,როგორი მიმართულებით ვითარდება საქართველო” რესპონდენტთა 23%-ის აზრით, სწორი მიმართულებით, 37% კი მიიჩნევს, რომ საქართველო არასწორი მიმართულებით ვითარდება, ხოლო 34% მიიჩნევს, რომ ქვეყანა საერთოდ არ იცვლება.
გამოკითხვა ჩატარდა 2015 წლის 27 მარტიდან–19 აპრილამდე პერიოდში, საქართველოს მასშტაბით 4,360 პირისპირ ინტერვიუს წარმომადგენლობითი შერჩევის საფუძველზე, ქვეყნის მოსახლეობას შორის ჩატარდა. კვლევაში საშუალო ცდომილების ზღვარი არის +/- 2,3%.
NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).
