ეროვნულ დემოკრატიული ინსტიტუტის ახალი კვლევის თანახმად, გამოკითხულთა უმრავლესობისთვის ყველაზე ნაკლებად მნიშვნელოვან ეროვნულ საკითხთა შორის, უმცირესობის უფლებებისა (0%) და მედიის თავისუფლებასთან (0%) ერთად, ციხეებიც (0%) მოხვდა.
ასევე ნაკლებად მნიშვნელოვან ეროვნულ საკითხად მიაჩნიათ კორუფცია (2%), საკუთრების უფლება (2%), ევროკავშირში გაწევრიანება (2%), სიტყვის თავისუფლება (3%), სასამართლო სისტემა (3%), სამართლიანი არჩევნები (4%), კრიმინალი (5%), NATO-ში გაწევრიანება (5%) და ადამიანის უფლებები (9%).
კვლევაში მონაწილეებს ყველაზე მნიშვნელოვან ეროვნულ საკითხებად სამუშაო ადგილები, ინფლაცია და სიღარიბე მიაჩნიათ.
ამერიკის ეროვნულ-დემოკრატიულმა ინსტიტუტმა საველე სამუშაოები 27 მარტი-19 აპრილის შუალედში ჩაატარა. NDI-მ ქვეყნის მასშტაბით 4360 ადამიანი გამოკითხა. საშუალო ცდომილების ზღვარი არის 2.3%.
