დეპუტატები ნარკოტიკული საშუალების დამზადება-შეძენა-შენახვის დანაშაულის რეალიზაციისგან გამიჯვნის ინიციატივაზე იმსჯელებენ.
აღნიშნული საკითხი კანონმდებლების მიერ პარლამენტის იურიდიულ საკითხთა კომიტეტის სხდომაზე განიხილება.
ევროპის რეკონსტრუქციისა და განვითარების ბანკის ღონისძიებების გამო პარლამენტის იურიდიულ საკითხთა კომიტეტის სხდომა თბილისის იუსტიციის სახლში გაიმართება.
მოქმედი კანონის მიხედვით, დამზადება-შეძენა-შენახვა და რეალიზება ერთი ხარისხის დანაშაულად არის მიჩნეული, რასაც კანონმდებლების უმეტესობა არასამართლიანად მიიჩნევს.
