საქართველოს პრეზიდენტი სამუშაო ვიზიტით ბელგიაში იმყოფება. გიორგი მარგველაშვილი ევროკავშირის პრეზიდენტს, დონალდ ტუსკსა და ევროკომისარს ევროკავშირის სამეზობლო პოლიტიკისა და გაფართოების საკითხებში იოჰანეს ჰანს შეხვდება. დაგეგმილია საქართველოს პრეზიდენტის შეხვედრა ევროპარტლამენტის პოლიტიკური პარტიების ლიდერებთან, ასევე, ევრო კომისართან ენერგეტიკის საკითხებში და ევროპის სავაჭრო-სამრეწველო პალატების გაერთიანების პრეზიდენტთან. შეხვედრების ძირითადი თემა რიგის სამიტი და საქართველოს მოლოდინები იქნება. საქართველოს პრეზიდენტი ვიზიტის ფარგლებში ნატოს გენერალურ მდივანს, იენს სტოლტენბერგსაც შეხვდება. ასევე დაგეგმილია სახელმწიფოს მეთაურის აუდიენცია ბელგიის მეფე ფილიპთან.
