ბაიკერმა ვახო შენგელიამ განაცხადა, რომ ქართველი ბაიკერები რუს  „ღამის მგლებსაც“ შეეწინააღმდეგებიან და რუს „შუადღის ზაზუნებსაც“. ასეთი განცხადება გადაცემა „იმედის კვირაში“ გაჟღერდა.

„არა აქვს მნიშვნელობა ვინ იქნებიან – „ღამის მგლები“ თუ „შუაღის ზაზუნები“. ბაბთებით ჩამოვიდნენ, უნდოდათ მოსვლა და ამას ჩვენ ვეწინააღმდეგებით. არ შეიძლება ჩვენი ოკუპანტი ქვეყანა მოვიდეს და ჩვენს ბაბუებს მადლობა გადაუხადოს, იმ დროს როდესაც მათ შვილებს ესროდა სამაჩაბლოში და აფხაზეთში“, – განაცხადა შენგელიამ.

შეგახსენებთ, რომ 9 მაისს ვაკის პარკთან ქართველი ბაიკერები რუსი ბაიკერების საწინააღმდეგო აქცია გამართეს. როგორც საქართველოს სხვადასხვა რეგიონიდან ჩამოსული ბაიკერები აცხადებენ, მათ ქონდათ  ინფორმაცია, რომ რუსები  ფაშიმზე გამარჯვების 70 წლისთავთან დაკავშირებით მარშის მოწყობას აპირებდნენ. მათივე თქმით, რუსეთის მოქალაქეებს ამისი უფლება არ გააჩნიათ და ისინი პირველ რიგში რუსეთ-საქართველოს ომში დაღუპულების საფლავზე უნდა მიდიოდნენ.