ყოფილი პარლამენტარი და პარტია „ევროპული დემოკრატების“ თავმჯდომარის პაატა დავითაიას თქმით, რუსეთი იყენებს გეორგიევსკის ბაფთას პროვოცირებისათვის და სეპარატიზმისთვის. ამის შესახებ დავითაიამ განაცხადა გადაცემა "იმედის კვირის" პირდაპირ ეთერში.
"ეს სიმბოლიკა [გეორგიევსკის ბაფთა] გამოყენებულია [რუსეთის მხრიდან}პროვოცირებისათვის და სეპარატიზმისთვის. ეს არის პრობლემა. არ უნდა ავყვეთ პროვოკაციას", - განაცხადა დავითაიამ.
გადაცემის მსვლელობისას ყოფილმა პარლამენტარმა აღნიშნა, რომ ეს ბაფთა - საოკუპაციო ძალების ოფიციალური სიმბოლიკაა, რომლითაც რუსეთის ფედერაცია აჯილდოვებდა 2008 წლის რუსეთ-საქართველოს ომის მონაწილეებს, და ის საქართველოს ხელისუფლების ადგილას ბაიკერებს ამ სიმბოლიკით საქართველოში არ შემოუშვებდა.
