თავდაცვის მინისტრმა თინა ხიდაშელმა პარლამენტში კომიტეტების გაერთიანებულ სხდომაზე გამოსვლა, ქართველი ჯარისკაცების დისკრეტიტაციის მცდელობაზე საუბრით დაიწყო.
მისი თამით, ნებისმიერ საჯარო გამოსვლას მომავალშიც სწორედ ამ თემით დაიწყებს, სანამ მედიასაშუალებების მიერ არ მოხდება ბოდიშის მოხდა.
„ნებისმიერ ჩემს საჯარო გამოსვლას ამ საკითხით დავიწყებ, სანამ ეს პროცესი არ დასრულდება. ეს ინფორმაცია ერთ-ერთი ტელევიზიიდან მოვისმინეთ და მათგან არ მოგვისმენია, არც სინანული, არც ბოდიში და შეიძლება ვიფიქროთ კონკრეტულ მიზანზე გათვლილ ღონისძებაზე, რომელიც განხორციელდა თავდაცვის უწყების მიმართ. არ აქვს არავითარი მნიშვნელობა, თუკი ქართველი ჯარისკაცების მიმართ მსგავსი ბინძური კამპანიები იქნება, ამას ჩვენ არ დავუშებთ“, - განაცხადა ხიდაშელმა და დასძინა, რომ თუკი საქართველო რაიმეთი ამაყობს და იცნობენ, ეს ქართველი ჯარისკაცები არიან, რომლებსაც უნდა გაუფრთხილდნენ.
მისივე თქმით ჯარისკაცების განათლება უწყების მტავარი პრიორიტეტი იქნება.
შეგახსენებთ, ქართულ მედიასაშუალებებში ,,გარდიანის” ინფორმაციაზე დაყრდნობით,
გავრცელდა ინფორმაცია ქართველი და ფრანგი ჯარისკაცების მიერ აფრიკაში მცირეწლოვანებზე ძალადობის შესახებ.
