პრემიერ-მინისტრმა ირაკლი ღარიბაშვილმა ევროპის საბჭოს საპარლამენტო ასამბლეის პრეზიდენტს ან ბრასორს რუსეთისთვის საერთაშორისო ვალდებულებების შესრულებისკენ მოწოდება სთხოვა.
სტუმართან შეხვედრაზე ირაკლი ღარიბაშვილმა შეშფოთება გამოთქვა იმ ე.წ ხელშკრულების გამო, რომელიც რუსეთმა სოხუმსა და ცხინვალთან გააფორმა. მისი თქმით, საქართველომ შეასრულა საპარლამენტო ასამბლეის რეზოლუციების ყველა პირობა მაშინ, როდესაც რუსეთი კვლავ არღვევს საკვანძო დებულებათა უმრავლესობას. პრემიერმა თხოვნით მიმართა საპარლამენტო ასამბლეის პრეზიდენტს, გამოიყენოს ყველა არსებული საშუალება და მოუწოდოს რუსეთს, შეასრულოს საერთაშორისო სამართლის ფარგლებში აღებული ვალდებულებები.
ირაკლი ღარიბაშვილმა ან ბრასორს ევროპის საბჭოს საპარლამენტო ასამბლეის სადამკვირვებლო კომისიის თანამომხსენებელთა კონსტრუქციული მუშაობისათვის მადლობა გადაუხადა.
