ამერიკის სახელმწიფო დეპარტამენტი საქართველოსთან სტრატეგიული პარტნიორობის ქარტიის ფარგლებში მოქმედი ეკონომიკის, ენერგეტიკისა და ვაჭრობის სამუშაო ჯგუფის შეხვედრების შესახებ ოფიციალურ განცხადებას ავრცელებს. ვაშინგტონი საქართველოს იმ მნიშვნელოვან პროგრესს ულოცავს, რომელიც ასოცირების შეთანხმებით გათვალისწინებული მოთხოვნების შესრულების მხრივ არის მიღწეული. შეხვედრაზე ორ ქვეყანას შორის ვაჭრობისა და ინვესტიციების გააქტიურების ფონზე თავისუფალი ვაჭრობის შესაძლებლობაც განიხილეს. ქართულმა მხარემ ვაშინგტონისგან ევროინტეგრაციულ პროცესებში მყარი მხარდაჭერის პირობაც მიიღო.
