საპარლამენტო კომიტეტებში დღეს მთავრობის განახლებულ შემადგენლობას მოუსმენენ. გაერთიანებული კომიტეტების სხდომებზე მინისტრები სამთავრობო პროგრამებით წარდგებიან. ქუთაისში მინისტრთა კაბინეტის წევრები დეპუტატების შეკითხვებსაც უპასუხებენ, დღის ბოლოს კი ბიუროს სხდომაზე მინისტრთა კაბინეტისთვის ნდობის გამოცხადების საკითხი პლენალურ სხდომაზე გასატანად მომზადდება. მთავრობის განახლებულ შემადგენლობასა და სამთავრობო პროგრამას ნდობას პარლამენტი ხვალინდელ სესიაზე გამოუცხადებს. პლენარული სხდომა 13.00 საათზეა ჩანიშნული.
