თბილისის საქალაქო სასამართლოში ე.წ. კაბელების საქმეზე წინასასამართლო სხდომა 15 მაისისთვის გადაიდო. პროცესი საიდუმლო მასალების გამო დახურული იყო. დღეს ორივე მხარემ შუამდგომლობები წარმოადგინა. დაკავებულების ადვოკატის ლევან სამუშიას განცხადებით, დაცვის მხარე ითხოვს, მოსამართლემ დასაშვებად არ ცნოს ექსპერტიზის დასკვნა, რომელსაც საქმეში ბრალდების მხარეს აქვს წარდგენილი. დაცვის მხარე დღეს აღკვეთის ღონისძიების შეცვლის შუამდგომლობის დაყენებასაც აპირებდა, თუმცა, სხდომის გადადების გამო ვერ შეძლეს.
სასამართლოზე იმყოფებოდნენ თავისუფალი დემოკრატებიც. მათი განცხადებით, დაკავებულები ბიძინა ივანიშვილის პირადი პოლიტიკური პატიმრები არიან.
თავდაცის სამინისტროს 5 ყოფილი თანამშრომელი 2014 წლის 28 ოქტომბერს სახელმწიფოს კუთვნილი 4 მილიონი ლარის გაფლანგვის ბრალდებით დააკავეს.
