,,თავისუფალი დემოკრატები” ხელისუფლებაში მოსლის შემთხვევაში პრეზიდენტის ინსტიტუტს გააძლიერებენ. ამის შესახებ, ჟურნალისტებთან პარტიის ლიდერმა ირაკლი ალასანიამ განაცხადა
ალასანია მიიჩნევს, რომ არსებული კონსტიტუციის პირობებში პრეზიდენტის ინსტიტუტი უკიდურესად შეზღუდულია.
ჩვენ, "თავისუფალ დემოკრატებს" ძალიან ნათლად გამოკვეთილი პოზიცია გვაქვს, რომ ასეთი დაჩეხილი კონსტიტუციის ფარგლებში, რომელიც სააკაშვილისგან მემკვიდრეობით გვერგო, ეს ინსტიტუტი არის უკიდურესად შეზღუდული. მივიჩნევ, რომ ქვეყანას სჭირდება ძლიერი პატრონი, ძლიერი მმართველი, რომელსაც აქვს ასევე ძლიერი საპარლამენტო ზედამხედველობა და როდესაც ჩვენ მოვალთ ხელისუფლებაში, ამ მიმართულებით წავიყვანთ ქვეყანას. გაძლიერდება პრეზიდენტის ინსტიტუტი, ეს ჩვენი ამოცანაა და ეს მოხდება საზოგადოებასთან ერთად", - განაცხადა ირაკლი ალასანიამ.
