გარემოს დაცვისა და ბუნებრივი რესურსების სამინისტრო არ სარგებლობს მაღალი ხარისხის ნდობით. ამის შესახებ განაცხადა ახალდანიშნულმა უწყების ხელმძღვანელმა გიგლა აგულაშვილმა გადაცემა „20-30“-ის ეთერში.
„ხშირ შემთხვევაში ჩვენ არ გვაქვს მაღალი ხარისხის ნდობა საზოგადოების მხრიდან. იმის გამო, რომ ჩვენი ავტორიტეტი გაფლანგულია, გვინდა და ვეცდებით საზოგადოების ჩართულობით დავიბრუნოთ ეს ნდობა. ჩვენს სიტყვებს ფასი უნდა ჰქონდეს . ეს მიიღწევა ჩართულობით, კომუნიკაციით, აქტიურობით.“
ასევე მინისტრმა დასძინა, რომ „ეს შესაძლებელია“. გარდა ამისა, სახელისუფლებო გუნდის წევრმა აღნიშნა, რომ სამინისტრო აქტიურად ითანამშრომლებს უცხოელ ავტორიტეტულ სპეციალისტებთან გარემოს დაცვის სფეროში. გიგლა აგულაშვილის თქმით, შეხვედრა ერთ-ერთ ევროპელ ექსპერტთან ხვალ შედგება.
