პარლამენტში, ხვალ უზენაესი სასამართლოს წევრის თანამდებობაზე ასარჩევად, პრეზიდენტის მიერ წარდგენილი მზია თოდუასა და ეკატერინე გასიტაშვილის კანდიდატურას განიხილავენ.
ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე პრეზიდენტის საპარლამენტო მდივანს გიორგი კვერენჩხილაძეს მოუსმენენ.
კომიტტეის სხდომა თბილისში მდებარე პარალამენეტის შენობაში 12:00 საათზეა ჩანიშნული.
შეგახსენებთ, რომ საქართველოს პრეზიდენტმა 4 მაისს პარლამენტს საქართველოს კონსტიტუციის 90-ე მუხლის მე-2 პუნქტისა და „საერთო სასამართლოების შესახებ“ საქართველოს ორგანული კანონის 36-ე მუხლის პირველი პუნქტის საფუძველზე, უზენაესი სასამართლოს წევრის ორ ვაკანტურ თანამდებობაზე ასარჩევად მზია თოდუასა და ეკა გასიტაშვილის კანდიდატურები წარუდგინა.
