საქართველოს საგარეო საქმეთა მინისტრის მოადგილე გიგი გიგიაძე სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელს ჰერბერტ ზალბერს შეხვდა.
შეხვედრაზე მხარეებმა განიხილეს საქართველოში, მათ შორის ოკუპირებულ რეგიონებში არსებული მდგომარეობა და შემდგომი მჭიდრო თანამშრომლობისადმი მზადყოფნა გამოხატეს.
საგარეო უწყების ინფორმაციით, საუბრის დროს განსაკუთრებული ყურადღება დაეთმო ჟენევის საერთაშორისო მოლაპარაკებების ფორმატის მნიშვნელობას.
