საგარეო საქმეთა მინისტრი გერმანიაში ვიზიტს განაგრძობს. ვიზიტის პირველ დღეს თამარ ბერუჩაშვილი გერმანიის ფედერაციული რესპუბლიკის უმაღლესი საკანონმდებლო ხელისუფლების წარმომადგენლებს, ბუნდესტაგის პრეზიდენტს, საგარეო ურთიერთობათა კომიტეტის თავმჯდომარესა და სამხრეთ კავკასიის ქვეყნებთან მეგობრობის საპარლამენტო ჯგუფის წევრებს შეხვდა. მხარეებმა საქართველო-გერმანიას შორის ორმხრივ და მრავალმხრივ ფორმატებში თანამშრომლობის საკითხები და სავაჭრო-ეკონომიკური ურთიერთობების გაღრმავების პერსპექტივა განიხილეს.
