პრეზიდენტმა გიორგი მარგველაშვილმა საქართველოს პარლამენტს ასარჩევად უზენაესი სასამართლოს ორი ახალი მოსამართლე წარუდგინა. ამის შესახებ, ინფორმაციას პრეზიდენტის ადმინისტრაცია ავრცელებს.
,,საქართველოს პრეზიდენტმა დღეს პარლამენტს საქართველოს კონსტიტუციის 90-ე მუხლის მე-2 პუნქტისა და „საერთო სასამართლოების შესახებ“ საქართველოს ორგანული კანონის 36-ე მუხლის პირველი პუნქტის საფუძველზე, უზენაესი სასამართლოს წევრის ორ ვაკანტურ თანამდებობაზე ასარჩევად მზია თოდუასა და ეკა გასიტაშვილის კანდიდატურები წარუდგინა”, _აღნიშნულია პრეზიდენტის ადმინისტრაციის განცხადებაში.
