გოგა ხაინდრავა პრეზიდენტ მარგველაშვილის მიერ საქართველოს თავდაცვის, გარემოს დაცვის, სპორტისა და ახალგაზრდობის სამინისტროების სათავეში ახალი მინისტრების დანიშვნაზე ხელის მოწერის ერთი კვირით გადადების ვერც საჭიროებას და ვერც მიზანშეწონილებას ვერ ხედავს.
,,ვერ ვხედავ ვერანაირ ლოგიკას ამ გადაწყვეტილების და მე როგორც ერთ-ერთი ყველაზე მხურვალე მხარდამჭერი პრეზიდენტ მარგველაშვილის საარჩევნო კამპანიაში და, ასე ვთქვათ, ცალსახად მისი პროპაგანდისტი, იმ დროს ცოტა გაწბილებული ვარ, როდესაც არ ამ მესმის ლოგიკურად რაიმე ტიპის გადაწყვეტილების არსი, ის ყოველთვის ჩემთვის კითხვებს ბადებს სხვა, ასე ვთქვათ, მიმართულებიათ, რატომ ხდება ეს? რატომ არის საჭირო რომ ყოველგვარი საფუძველს მოკლებული თემებით დაუპირისპირდე, ან ვთქვათ, პოლემიკის რეჟიმში შეხვიდე დღევანდელ ვითარებაში, რომელიც არ არის მარტივი”, - A განაცხადა მან თოქ-შოუ ,,20.30” ეთერში.
ხაინდრავას თქმით, ფინანსური და ეკონომიკური რყევების გამო ქვეყანაში რთული მდგომარეობაა და ასეთ სიტუაციაში პრეზიდენტმა უნდა განმუხტოს ვითარება და ცარიელ ადგილზე სირთულეები არ შექმნას.
შეგახსნებთ, რომ პრემიერ მინისტრმა ირაკლი ღარიბაშვილმა 2015 წლის 1-ელ მაისს თავდაცვის, გარემოს დაცვის და სპორტისა და ახალგაზრდობის საქმეთა მინისტრების პოსტებზე ახალი კანდიდატურები წამოაყენა. Pპრეზიდენტმა მარგველაშვილმა პრემიერ მინისტრის გადაწყვეტილებას ხელი არ მოაწერა და ეს პროცედურა ერთი კვირით გადადო.
