თავდაცვის მინისტრობის კანდიდატი თინა ხიდაშელი სოციალურ ქსელში კიდევ ერთხელ ადასტურებს, რომ უკვე თავდაცვის მინისტრია და კონსტიტუცია არ ითვალისწინებს კანდიდატს.

,,სამი ამბავი მინდა დავწერო თბილისისკენ მომავალმა :) 1. ამ სივრცეში ზუსტად ისევე დავრჩები როგორც ვიყავი :) შესაძლოა ცოტა დროში დავაგვიანო ხოლმე და მაპატიეთ. 2. დღეს ვთქვი უკვე მინისტრი ვარ-თქო და გავიგე რომ აჟიოტაჟი გამოუწვევია. შესაძლოა უხერხულად მოგეჩვენოთ, მაგრამ ასეა კონსტიტუციით ჩემო ძვირფასებო. კონსტიტუცია არ ითვალისწინებს კანდიდატს, წარდგინებას და ასეთებს. უკვე მინისტრები ვართ (ვოცნებობდით ამაზე თუ არა : ) და პარლამენტი ნდობას გამოგვიცხადებს თუ არა ეს უკვე სხვა საქმეა. 3. მთავრობის ყველა წევრი მთავრობის წევრია, დღეს დანიშნულების ჩათვლით და ყველა ერთად მოდის პარლამენტში ნდობაზე. სულ ეს არის”, -აცხადებს ხიდაშელი.

 შეგახსენებთ, დღეს თინა ხიდაშელი გენერალური შტაბის უფროსს ვახტანგ კაპანაძეს თავდაცვის მინისტრის რანგში უკვე შეხვდა.