კონსტიტუციური სამართლის სპეციალისტი ვახუშტი მენაბდე აცხადებს, რომ პრემიერის მიერ დასახელებულ მინისტრებს არ აქვთ უფლება განახორციელონ უფლებამოსილება, რადგან ისინი მხოლოდ კანდიდატები არიან. Aამის შესახებ მენაბდემ ,,ჯი-ეიჩ-ენთან” საუბარში განაცხადა.
,,ისეთ ვითარებაში, როცა გვყავს ნდობადაკარგული მთავრობა, პრემიერს არ აქვს უფლება მთავრობის განახლების. მას შეუძლია მხოლოდ წარმოადგინოს მინისტრობის კანდიდატები. ჩვენ უნდა ერთმანეთისგან გავმიჯნოთ ღარიბაშვილი, როგორც პრემიერის მოვალეობის შემსრულებელი და ღარიბაშვილი, როგორც პრემიერობის კანდიდატი. თინა ხიდაშელის კანდიდატურა პრემიერმა წამოაყენა, როგორც პრემიერობის კანდიდატმა და არა როგორც პრემიერ-მინსტრმა. Pპარლამენტის უმრავლესობას რომ მოესურვებინა ახალი პრემიერი გვყოლოდა და მას თინა ხიდაშელი თავდაცვის მინისტრად დაესახელებინა, ის ხომ ვერ განახორციელებდა უფლებამოსილებას”, -განმარტავს მენაბდემ.
კითხვაზე - რამდენად კონსტიტუციურია თავდაცვის მინისტრობის კანდიდატის თინა ხიდაშელის მიერ მინისტრის უფლებამოსილების განხორციელება, მენაბდე განმარტავს:
,,გამოდის, რომ პრემიერის მიერ დასახელებული მთავრობის შემადგენლობის წევრები არ არიან მინისტრები, არიან კანდიდატები და მინისტრების მოვალეობას ასრულებენ იმ მინისტრების პირველი მოადგილეები ვინც თანამდებობა დატოვეს”.
შეგახსენებთ, მთავრობის საპარლამენტო მდივნის შალვა თადუმაძის მტკიცებით, ხიდაშელი და აგულაშვილი მინისტრები არიან და შეუძლიათ უფლებამოსილების განხორციელება. თინა ხიდაშელი გენერალური შტაბის ხელმძღვანელს ვახტანგ კაპანაძეს მინისტრის რანგში უკვე შეხვდა.
