მთავრობის საპარლამენტო მდივნის შალვა თადუმაძის განცხადებით, ხიდაშელი და აგულაშვილი - ორივე მინისტრია და მათ შეუძლიათ, მინისტრის უფლებამოსილება განახორციელონ.
„მთავრობის ყველა წევრი უფლებამოსილებას ინარჩუნებს. შესაბამისად, მთავრობა უფლებამოსილია, განახორციელოს თავისი საქმიანობა. 7 დღის ვადაში, პრეზიდენტი გადააგზავნის პარლამენტში განახლებულ მთავრობას და პარლამენტი იმსჯელებს. კონსტიტუციური უფლებამოსილება პრეზიდენტისა გახლავთ, რომ 7 დღეში გადაუგზავნოს პარლამენტს“, - განმარტავს თადუმაძე.
რაც შეხება თავდაცვის მინისტრობისა და სოფლის მეურნეობის მინისტრობის კანდიდატებს, თადუმაძის თქმით, ორივე მინისტრია და მათ შეუძლიათ, მინისტრის უფლებამოსილება განახორციელონ.
„მთავრობის ყველა წევრი, რომელიც დანიშნულია მინისტრის თანამდებობაზე, უფლებამოსილია, მინისტრის უფლებამოსილება განახორციელოს. ხიდაშელი და აგულაშვილი კი ორივე მინისტრია დ მათ შეუძლიათ, განახორციელონ მინისტრის უფლებამოსილება. ისინი კონსტიტუციით დანიშნული მინისტრები არიან“, - განაცხადა თადუმაძემ.
პრემიერმა დღეს მთავრობის ახალი შემადგენლობა დაასახელა. განახლებულ მთავრობაში სამი ახალი მინისტრი იქნება. კერძოდ, სპორტისა და ახალგაზრდობის საქმეთა მინისტრის პოსტზე პრემიერმა ტარიელ ხეჩიკაშვილის, თავდაცვის მინისტრის პოსტზე თინა ხიდაშელის, ხოლო გარემოს დაცვის მინისტრის თანამდებობაზე გიგლა აგულაშვილის კანდიდატურა წარადგინა.
ამასთან, პრეზიდენტმა გიორგი მარგველაშვილმა განახლებული მთავრობის დასახელების შემდეგ, საგანგებო ბრიფინგი გამართა და მთავრობის შემადგენლობისთვის ხელმოწერა ერთი კვირის ვადით გადადო.
