საქართველოს პარლამენტის თავმჯდომარე დავით უსუფაშვილი პრეზიდენტის გადაწყვეტილებას, მთავრობის წარდგენის ერთი კვირით გადადებასთან დაკავშირებით, გამოეხმაურა და აღნიშნა, რომ არჩეული პრეზიდენტის გადაწყვეტილება ექსტრაორდინალური მოვლენა არ არის.
,,დღეს იყო იმის ალბათობა, რომ მთავრობის ახალი შემადგენლობისთვის მოგვესმინა, მაგრამ პრეზიდენტმა გამოიყენა თავისი ვალდებულება და შვიდ დღიანი პერიოდი გამოიყენა, რაც მას კონსტიტუციით აქვს მინიჭებული. ეს არ არის ექსტრაორდინალური მოვლენა, ის არჩეულია, იმიტომ მიიღო ეს გადაწყვეტილება. ეს მისი აზრი, შეხედულებაა და პატივი ვცეთ კონსტიტუციას. მეტი ფიქრი არასოდეს არ არის ცუდი და მავნე. ქვეყანას ჰყავს მოქმედი მთავრობა და აგრძელებს მუშაობას”, - განაცხადა უსუფაშვილმა და დასძინა, რომ შექმნილი მდგომარეობის გამო, ხვალ პარლამენტის სხდომის ჩატარების აუცილებლობაც არ არის.
შეგახსენებთ, პრეზიდენტმა გიორგი მარგველაშვილმა არ გაითვალისწინა პრემიერ მინისტრის თხოვნა, მთავრობის ახალი შემადგენლობის პარლამენტისთვის დღესვე წარდგენასთან დაკავშირებით. მან მმართველ გუნდს ახალი მთავრობის შემადგენლობის ჩამოსაყალიბებლად ერთ კვირიანი ვად მისცა.
