მინდია ჯანელიძე სახელმწიფო უსაფრთხოებისა და კრიზისების მართვის საბჭოში ბრუნდება, -ამის შემის შესახებ პრემიერ-მინისტრმა ირაკლი ღარიბაშილმა დღესგამართულ ბრიფინგზე განაცხადა, სადაც მან მინიტრობის კანდიდატები დაასახელა.
,,მინდია ჯანელიძეს განსაკუთრებულ მადლობას ვუხდი თავცდაცვის სამინისტროში მის მიერ გაწეული სამუშაოსთვის. ის არის ნამდვილად მაღალი დონის პროფესიონალი, ღირსეული პატრიოტი და ჩვენი ქვეყნის ნამდვილი მოქალაქე. მე ბატონ მინდიას უკვე შევთავაზე სახელმწიფო უსაფრთხოებისა და კრიზისების მართვის საბჭოს მდივნად დაბრუნება. მოგეხსენებათ, რომ ეს საბჭო გახლავთ პრემიერთან არსებული ორგანო, რომელიც მუშაობს ქვეყნის უსაფრთხოებასთან დაკავშირებულ საკითხებზე და ეს საბჭო უნდა ჩაიბაროს იმ ადამიანმა, რომელმაც ეს სფერო კარგად იცის”, - განაცხადა ღარიბაშვილმა
თავდაცვის მინისტრის პოსტს თინათინ ხიდაშელი დაიკავებს, გარემოს დაცვისა და ბუნებრივი რესურსების სამინისტროს გიგლა აგულაშვილი უხელმძღვანელებს, ხოლო სპორტისა და ახალგაზრდობის საქმეთა სამინისტროს – ტარიელ ხეჩიკაშვილი.
მინდია ჯანელიძეს საქართველოს თავდაცვის მინისტრად 2014 წლის 4 ნოემბერს დაინიშნა. მან ამ პოსტზე ირაკლი ალასანია შეცვალა.
მანამდე 2000-2012 წლებში მუშაობდა საქართველოს დაზვერვის სახელმწიფო დეპარტამენტში. 2012 წლიდან 2014 წლის დასაწყისამდე ირაკლი ღარიბაშვილის შინაგან საქმეთა მინისტრობისას ხელმძღვანელობდა შინაგან საქმეთა სამინისტროს კონტრდაზვერვის დეპარტამენტს. 2013 წლის იანვრიდან ასევე მუშაობდა საქართველოს პრემიერ-მინისტრის თანაშემწედ სახელმწიფო უსაფრთხოების საკითხებში, იყო სახელმწიფო უსაფრთხოებისა და კრიზისების მართვის საბჭოს მდივნის თანამდებობაზე.
