,,მთავრობა, რომლის ერთადერთი არგუმენტი არის კვერცხების სროლა და ძალადობა, ბუნებრივია, დიდხანს ვერ გაძლებდა”, _განაცხადა ,,ნაცმოძრაობის” დეპუტატმა სერგო რატიანმა პარლამენტის პლენარულ სესიაზე. როგოროც რატიანმა მინისტრთა კაბინეტში განხორციელებული ცვლილებების შეფასებისას განაცხადა საზოგადოების აქტიურობამ შედეგი გამოიღო.
,,ჩვენ ფაქტობრივად ოლიგარქიულ მმართველობაში შევედით და ეს უნდა რაღაცნაირად დავასრულოთ. მეორე ამოცანაა შევქმნათ ტექნიკური მთავრობა იმისათვის, რომ დაიწყოს ქვეყნის კრიზისიდან გამოსვლა. ბატონი ლუკა ამბობდა, რომ გაახილეთ თვალებიო. ჩვენ გავახილეთ თვალები და მართალი გითხრათ, თვალებს არ დავუჯერეთ, როდესაც დღეს ვხედავთ ლარის კურსს; თვალებს არ დავუჯერეთ, როდესაც ვნახეთ საყდრისი, რომელიც უნდა ყოფილიყო ჩვენი სიამაყე და ის არის დანგრეული. ამიტომ ეს არ უნდა განმეორდეს. ჩვენ გვეძლევა შესაძლებლობა, შევქმნათ ახალი, ტექნიკური მთავრობა", - განაცხადა სერგო რატიანმა.
