ურეკში კანალიზაციის გამწმენდი ნაგებობის მშენებლობაზე 17 მილიონი დაიხარჯება. პროექტის განსახორციელებლად, შესაბამის ხელშეკრულებას ხელი, საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიაში მოეწერა ხელი.
ხელშეკრულებას ხელი „საქართველოს გაერთიანებული წყალმომარაგების კომპანიის“ დირექტორმა, ვლადიმერ ლაზარიშვილმა და გერმანულ-თურქული კომპანია „ლუდვიგ ფაიფერის“ გენერალურმა მენეჯერმა, დუსან არბანოვსკიმ მოაწერეს.
ხელმოწერილი ხელშეკრულება ურეკში კანალიზაციის გამწმენდი ნაგებობის დაპროექტება - მშენებლობას ითვალისწინებს, რომელზეც დაბა ურეკისა და სოფელ შეკვეთილის კანალიზაციის ქსელების დაერთება მოხდება. შემცირდება ასევე მავნე ზეგავლენა გარემოზეც. პროექტის განხორციელების ვადა 2 წელია, ხოლო მისი ღირებულება კი 17 მილიონი ლარს შეადგენს. მშენებლობას აზიის განვითარების ბანკი აფინანსებს. კონტრაქტორი კომპანია საერთაშორისო ტენდერის საფუძველზე გამოვლინდა, რომელიც აზიის განვითარების ბანკის პროცედურების შესაბამისად მიმდინარეობდა.
