ზუგდიდის რაიონის სოფელ დარჩელში მონადირეებმა დღეს დილით მგელი მოკლეს.
ადგილობრივი მოსახლეობის თქმით, ისინი უკვე ვეღარ ითვლიან, ბოლო თვეების განმავლობაში, ეს მერამდენე შემთხვევაა.
2015 წელს მგელმა ზუგდიდის რაიონის სოფელში ათეულობით პირუტყვი დაგლიჯა, ამიტომ გარემოს დაცვის სამინისტრომ მონადირეებს მასზე ნადირობის ნებართვა მისცა.
ზუგდიდის რაიონის ზედამხედველობის სამსახურის უფროსის, გიგა მელიას თქმით, თუ ადრე მგლები მხოლოდ ზუგდიდის რაიონის დაბალი ზონის სოფლებში ჩნდებოდნენ, უკვე მაღალი ზონის სოფლებშიც ხროვებად გადაადგილდებიან.
საგულისხმოა, რომ ადგილობრივმა მონადირეებმა, ისინი მდინარე ენგურის სამაპიროებზე რამდენჯერმე დააფიქსირეს, საიდანაც მგლების ხროვა აფხაზეთისკენ გადავიდა.
სავარაუდოდ, ზუგდიდის რაიონში მგლები სწორედ აფხაზეთის ტყეებიდან გადმოდიან.
