ირაკლი კორძაია საქართველოს ინდუსტრიული ჯგუფის აღმასრულებელი დირექტორის, ლევან ჭოლაძის დაკითხვას ითხოვს. ჟურნალისტმა ვიდეო ჩანაწერები "იმედის კვირის" შემოქმედებით ჯგუფს გადასცა. ვიდეო ჩანაწერში კარგად ჩანს, თუ როგორ ესაუბრება გიორგი უდესიანი ბესო ხარძიანის დას, მაია ხარძიანს და ეუბნება რომ მას ძმის სიცოცხლე აჩუქა. ჩანაწერში, რომელიც 2011 წლის აპრილშია გაკეთებული, ასევე ნათლად ჩანს, როგორ ერთვება საუბარში ლევან ჭოლაძე, რომელიც იმ პერიოდში სოფლის მეურნეობის მინისტრის მოადგილე იყო. ჟურნალისტ ირაკლი კორძაიას აინტერესებს, თუ რა სტატუსით იმყოფებოდა უდესიანი-ხარძიანის შეხვედრაზე ლევან ჭოლაძე.
