აშშ-ში სამუშაო ვიზიტით იმყოფებიან პარტია „თავისუფალი დემოკრატების“ საპარლამენტო ფრაქციის თავჯდომარე ირაკლი ჩიქოვანი და აშშ-სთან მეგობრობის ჯგუფის ხელმძღვანელი დავით ონოფრიშვილი.
ვაშინგტონში გაიმართა შეხვედრები სახელმწიფო დეპარტამენტში - სახელმწიფო მდივნის მეორე მოადგილესთან ერიკ რუბინთან, კონგრესმენებთან პატ ტიბერისთან და პიტერ როსკამთან, სადაც განხილულ იქნა საქართველოში არსებული პოლიტიკური და ეკონომიკური მდგომარეობა, ოკუპირებული ტერიტორიების არ აღიარების და აშშ-სთან თავისუფალი ვაჭრობის ხელშეკრულების დადების საკითხები.
ირაკლი ჩიქოვანმა და დავით ონოფრიშვილმა ასევე მონაწილეობა მიიღეს საერთაშორისო სავალუტო ფონდის და მსოფლიო ბანკის საპარლამენტო ასამბლეის ყოველწლიურ შეკრებაში.
