ჰაკერებმა "საქართველოს მოსამართლეთა ერთობის" ვებ-გვერდი გატეხეს და გზავნილები დატოვეს. ვებ-გვერდზე შესვლისას მონიტორზე ჩნდება "ელ მოჯაჰიდი ჯგუფის" ლოგო და მუსიკა მუსლიმების მხარდამჭერი ტექსტით. "გადაეცით თქვენ მთავრობებს, ჩვენ გავაგრძელებთ საიტების გატეხვას იმისათვის, რომ ყველგან გავაგზავნოთ მესიჯი. მოვუწოდებთ აშშ-ს, დაასრულოს მუსლიმების ხოცვა. ჩვენ ვართ "ელ მოჯაჰიდის ჯგუფი" და ჩვენ არ დავამთავრებთ ამ ომს", - ნათქვამია გზავნილში. ფაქტთან დაკავშირებით გამოძიება უკვე დაწყებულია. ჰაკერების ჯგუფმა, ბოლო მონაცემებით, საფრანგეთში 117 ვებ–გვერდი გატეხა.
