საქართველოში ვიზიტად მყოფი დანიის, შვედეთისა და პოლონეთის საგარეო საქმეთა მინისტრები არასამთავრობო სექტორისა და ოპოზიციის წარმომადგენლებს შეხვდნენ. როგორც შეხვედრის დასრულების შემდეგ ჟურნალისტებთან ,,სამართლიანი არჩევნების" თავმჯდომარემ ნინო ლომჯარიამ განაცხადა საგარეო საქმეთა მინისტრებს ინფორმაცია მიაწოდეს ბოლო პერიოდში ქვეყანაში პრორუსულ ჯგუფების გააქტიურების თაობაზე.
,,მე ვისაუბრე პრორუსულ ჯგუფებზე, რომელთა დაკავშირებითაც ხელისუფლებას კითხვები არ გააჩნია, თუმცა კითხვები აქვთ სამოქალაქო სექტორის წარმომადგენლებს, რომლებიც დასავლურ ღირებულებებს ეფუძნება. ჩვენ ხაზი გავუსვით, რომ არ ხდება დაგმობა იმ განცხადებების, რომლებიც თუნდაც კოალიციის წარმომადგენლების მხრიდან კეთდება და შეიცავს რუსულ პროპაგანდას. ჩვენი აზრით, ხელისუფლებამ უფრო მეტად უნდა ისაუბროს იმ სარგებელზე, რასაც ქვეყანას ევროპული კურსი მოუტანს", - განაცხადა ნინო ლომჯარიამ.
რაც შეეხება ,,თავისუფალ დემოკრატებს” სამი ქვეყნის საგარეო საქმეთა მინისტრებთან შეხვედრისას ერთ-ერთ მთავარ საკითხად ე.წ. კაბელების საქმე განიხილეს.
,,ნაციონალებმა” კი დანიის, შვედეთისა და პოლონეთის საგარეო საქმეთა მინისტრებთან შეხვედრისას საქართველოში მიმდინარე პოლიტიკურ პროცესებზე ისაუბრეს.
