შვედეთის საგარეო საქმეთა მინისტრის მარგოტ ვალსტრომის განმარტებით, საქართველომ უნდა გააგრძელოს და შექმნას დემოკრატიული, გამჭვირვალე ინსტიტუციები, რომლებიც პასუხისმგებელი იქნებიან ხალხის, ერის წინაშე. როგორც საქართველსო საგარეო უწყებაში გამართულ პრესკონფერენციაზე მინისტრმა განმაცხადა რეფორმების პროცესი არის აუცილებელი ევროინტეგრაციისათვის.
,,ჩვენ ჩამოვედით სამეგობროდ, ჩვენ ჩამოვედით მხარდასაჭერად, მაგრამ ცოტა რთულად დგას საკითხი, იმიტომ რომ ჩვენ მოთხოვნებიც გვაქვს. რეფორმების პროცესი არის აუცილებელი ევროინტეგრაციისათვის. ჩვენ უნდა გავიხედოთ მომავალში, ვიდრე წარსულში და საქართველომ უნდა გააგრძელოს ყველა ის მნიშვნელოვანი ძალისხმევა და შექმნას დემოკრატიული, გამჭვირვალე ინსტიტუციები, რომლებიც პასუხისმგებელი იქნებიან ხალხის, ერის წინაშე. ჩვენ ძალიან დიდ მნიშვნელობას ვანიჭებთ რეფორმას სასამართლო სისტემაში და ჩემმა ყველა კოლეგამ ამას ხაზი გაუსვა. რა თქმა უნდა, ჩვენ მზად ვართ თანამშრომლობისათვის”, -განაცხადა შვედეთის საგარეო საქმეთა მინისტრმა.
