2014 წლის მონაცემების მიხედვით, ავიაკომპანიები KLM, SAS-Scandinavian Airlines და Iberia მსოფლიოს ყველაზე პუნქტუალური ავიაკომპანიებია, იუწყება FlightStats-ი.

კვლევის ავტორებმა შეადარეს გეგმით რეისის განხორციელების საათები და რეალური ფაქტები.

საერთო ჯამში 31 ავიაკომპანიის 7,6 მლნ ავიარეისის გაანალიზება მოხდა და დასკვნაც შემდგომ დაიდო.

კვლევამ აჩვენა, რომ მსოფლიოს მასშტაბით ყველაზე პუნქტუალური ავიაკომპანია KLM-ია, რომლის ავიარეისების 88,66%-ს 15 წუთზე მეტი არ დაუგვიანია. მეორე ადგილზე აღმოჩნდა ავიაკომპანია SAS, რომლის რეისების 88,62%-ი ზუსტად დაანონსებულ პერიოდში განხორციელდა. რაც შეეხება ავიაკომპანია Iberia-ს მისი რეისების 88,46-ი პუნქტუალურობით იყო გამორჩეული.

ყველაზე პუნქტუალური ავიაკომპანიების რეიტინგში ასევე მოხვდნენ: Japan Airlines (87,78%), Saudia (87,76%), ANA – All Nippon Airways (86,53%), Lufthansa (86,21%), Air Berlin (85,7%), LAN Airlines (85,63%) და Singapore Airlines (85,09%).

რაც შეეხება დაბალბიუჯეტიანი ავიაკომპანიების პუნქტუალურობას, ლიდერი Iberia Express-ია (93,84%), რეიტინგში შემდეგ მოდიან Air Baltic (92%) და ThaiAirAsia (88,16%).