საქართველოს საგარეო საქმეთა მინისტრის მოადგილემ დავით ჯალაღანიამ შეხვედრა გამართა ქუვეითის სახელმწიფოს პარლამენტის საქართველოსთან მეგობრობის ჯგუფის წევრებთან, რომლებიც საქართველოს სტუმრობენ საქართველოს პარლამენტის მოწვევის საფუძველზე.
შეხვედრაზე ხაზი გაესვა საქართველოსა და ქუვეითს შორის ტრადიციულად არსებულ მეგობრულ ურთიერთობებს. განხილულ იქნა თანამშრომლობის შემდგომი განვითარების პერსპექტივები სხვადასხვა მიმართულებებით, მათ შორის ეკონომიკის, კულტურის, განათლების და ხალხთაშორისი ურთიერთობების განვითარების სფეროებში.
შეხვედრისას ქუვეითის მხარემ დაადასტურა ქუვეითის სახელმწიფოს მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ.
