,,ქვეყანა სავალუტო კრიზის განიცდის, რაც ქვეყნის ეკონომიკური სტაგნაციის წინაპირობაა', _განაცხადა ფრაქცია ,,თავისუფალი დემოკრატების” თავმჯდომარემ ირაკლი ჩიქოვანმა პარლამენტში სიტყვით გამოსვლისას.
მისივე განცხადებით, ხელისუფლება ვერ უმკლავდება არსებულ პრობლემებს, ეკონომიკური კრიზისიდან გამოსვლის გეგმას ვერ აყალიბებს და ზოგადად მსჯელობს.
"ქვეყანა სავალუტო კრიზის განიცდის, რაც ქვეყნის ეკონომიკური სტაგნაციის წინაპირობაა. ამ სახის პრობლემა საქართველოს 2008 წლის ომის შემდეგ ჰქონდა. მაშინ საერთაშორისო პარტნიორებმა და დონორებმა ჩვენი ქვეყანა კოლაფსს გადაარჩინეს. დღეს რეგიონში ომი მიმდინარეობს, რამაც საქართველო დააზარალა. თუმცა ქვეყანას ამის შესაჩერებლად და საწინააღმდეგოდ არაფერი გაუკეთებია. სამწუხაროდ, ხელისუფლება ვერ უმკლავდება არსებულ პრობლემებს, ეკონომიკური კრიზისიდან გამოსვლის გეგმას ვერ აყალიბებს და ზოგადად მსჯელობს. აუცილებელია დონორებთან საუბარი, ძველი და ახალი ინფრასტრუქტურული პროექტების დაუყოვნებლივ გაგრძელება, ასევე ინვესტორებთან 24-საათიანი მუშაობა. სამწუხაროდ, ვერ ვხედავთ, რომ მთავრობას ამის სურვილი, ან შესაძლებლობები ჰქონდეს," - განაცხადა ირაკლი ჩიქოვანმა.
