"თავისუფალი დემოკრატები" წევრის ირაკლი ჩიქოვანის განცხადებით, პრეზიდენტის ყოველწლიური მოხსენების შემდეგ, საკუთარ გამოსვლაში ქვეყანაში არსებულ არაფორმალურ მმართველობაზე ისაუბრებს.
"პრეზიდენტი, სავარაუდოდ, ბევრს ისაუბრებს ეკონომიკურ მდგომარეობასა და საგარეო გამოწვევაზე. ჩვენ კი, "თავისუფალი დემოკრატები" ჩვენი გამოსვლისას ყურადღებას გავამახვილებთ არაფორმალურ მმართველობასა და ქვეყანაში არსებულ ეკონომიკურ მდგომარეობაზე. დღეს, ჩვენ, "თავისუფალი დემოკრატები" ახალ ამპლუაში ვიქნებით პრეზიდენტთან", - აღნიშნა ჟურნალისტებთან ჩიქოვანმა.
შეგახსენებთ, რომ პრეზიდენტის პარლამენტში გამოსვლის შემდეგ დებატები არ გაიმართება და მხოლოდ ფრაქციის თავმჯდომარეები 15 წუთიანი მიმართვით გამოვლენ.
