საქართველოს საგარეო საქმეთა მინისტრი თამარ ბერუჩაშვილი დელეგაციასთან ერთად ოფიციალურ ბრიუსელში შეხვედრებს იწყებს. როგორც ჟურნალისტებთან საგარეო უწყების ხელმძღვანელის მოადგილემ დავით დონდუამ განაცხადა გაიმართება საქართველო-ევროკავშირის სტრატეგიული დიალოგის მესამე შეხვედრა, რომელსაც ქართული მხარე ძალიან მნიშვნელოვნად მიიჩნევს.
ბრიუსელში დაგეგმილ შეხვედრებზე ასევე საუბარი იქნება რიგის სამიტსა და მოსკოვის მიერ სოხუმის და ცხინვალის საოკუპაციო რეჟიმებთან გაფორმებულ ე.წ. ხელშეკრულებაზეც.
საგარეო საქმეთა მინისტრის პირველი მოადგილის დავით დონდუას განცხადებით, ორმხრივი შეხვედრები გაიმართება ევროკავშირის უმაღლესი თანამდებობის პირებთან და ბელგიის საგარეო საქმეთა მინისტრთან.
,,იწყება საგარეო საქმეთა მინისტრის თამარ ბერუჩაშვილის ბრიუსელში ვიზიტი, რომელიც სამი კომპონენტისგან შედგება. 31 მარტს იქნება ორმხრივი შეხვედრები, ევროკავშირის უმაღლესი თანამდებობის პირებთან, ბელგიის საგარეო საქმეთა მინისტრთან, დაგეგმილია შეხვედრა ევროკომისიოის პირველ ვიცე-პრეზიდენტთან და ვაჭრობის საკითხებში ევროკომისართან. შეხვედრებზე განხილული იქნება საქართველო-ევროკავშირის პრიორიტეტული მიმართულებები, რიგის სამაიტისთვის მზადება და ქართული მხარის მოლოდინი ამ ღონისძიებასთან დაკავშირებით. 1-ელ აპრილს გაიმართება საქართველოსა და ევროკავშირს შორის არაფორმალური სტრატეგიული დიალოგი, სადაც განხილული იქნება იმ პრიორიტეტულ საკითხებს რომელიც პრიორიტეტულია საქართველო-ევროკავშირისთვის და წლევანდელი თემაა კონფლიქტის მოგვარება, აფხაზეთსა და სამხრეთ ოსეთში შექმნილი მდგომარეობა, ის ხელშეკრულებები რომელსაც რუსეთი აფორმებს დეფაქტო ხელისუფლებებთნ. 2 აპრილს საგარეო საქმეთა მინისტრი გამართავს ე.წ. რეგიონულ ამბასადორეალს”, _ განაცხადა დავით დონდუამ.
