,,ნაცმოძრაობის” წევრის მიხეილ მაჭავარიანის განცხადებით, პრემიერ ირაკლი ღარიბაშვილის გამოსვლა აბსოლუტურად ტყუილსა და აბსურდზე იყო დაფუძნებული. როგორც მაჭავარიანი ,.ჯი-ეიჩ-ენთან” საუბარში აცხადებს პრემიერმა ჟურნალისტებთან შეხვედრისას თავი უნიათოდ წარმოაჩინა.
,,ჩვენ დღეს ვიხილეთ ამ ქვეყნის უნიათო პრემიერი, რომელიც გასულია მომსახურების ზონიდან. იმის მაგივრად ამ ადამიანს ელაპარაკა იმ უამრავ პრობლემაზე რომელიც მათი მმართველობის და უნიათობის გამოა შექმნილი. ამის მაგივრად პრემიერმა ილაპარაკა ტყუილები, იტრაბახა, არ ისაუბრა მომავალზე, ილაპარაკე წარსულზე სადაცაა ჩარჩენილი', -განაცხადა მაჭავარიანმა ,,ჯი-ეიჩ-ენთან” საუბარში.
მაჭავარიანი ირაკლი ღარიბაშვილის განცხადებას ,,ნაცმოძრაობის” აქციასთან დაკავშირებითც გამოეხმაურა და აღნიშნა, რომ 21 მარტის აქცია ყველაზე გრანდიოზული იყო 2012 წლის შემდეგ.
,, რაც შეეხება ,,ნაციონალურ მოძრაობას” ეს ის კაცი არაა რომ ამბობდა პარტია რადარებიდანაა გამქრალიო. 21 მარტის აქცია ყველას შეფასების 2012 წლის შემდეგ მთავარობის საწინააღმდეგო ყველაზე გრანდიოზული აქცია, ბრმა უნდა იყოს რომ ვერ დაინახო. ხალხი აპროტესტებს უმუშევრობას, ხელისუფლების უნიათოას და როგორც ჩანს, პრემიერს მისი გურუსგან ბიძინა ივანიშვილისგან აქვს დავალება, რომ საწინააღმდეგო და ტყუილები ილაპარაკოს”, _განაცხადა მაჭავარიანმა და აღნიშნა, რომ პარტია გააგრძელებს ბრძოლას უნიათო ხელისუფლების მიმართ.
,,ნაცმოძრაობა გააგრძელებს ჩვენი თანამოქალაქეების ინტერესების დაცვას. გააგრძელებს ბრძოლას ამ უნიათო მთავრობასთან ყველა კონსტიტუციური მეთოდით. Gმესმის რომ ამ თარ მოსწონთ ჩვენი არსებობა, ჩვენი რეიტინგები, ჩვენი მხარდაჭერა ხალხის მხრიდან, მაგრამ ეს სულ უფრო მეტი იქნება ამ უნიათო მთავრობის გამო”, _განცხადა მაჭავარიანმა.
მაჭავარიანის განცხადებით, ირაკლი ღარიბაშვილი ცხოვრებას 20/30-ის თვალით უყურებს.
პრემიერი ირაკლი ღარიბაშვილი ,,ნაციონალურ მოძრაობას" სექტას უწოდეს და აცხადებს, რომ მათი ერთადერთი მიზანი ქვეყანაში არეულობის შემოტანაა.
ღარიბაშვილის განცხადებით, ,,ნაცმოძრაობას” არავითარი შანსი არ აქვს შეაფერხოს ქვეყნის განვითარება.
,, ის ფაქტი, რომ მათ გამართეს აქცია და მოითხოვეს საქართველოს აბსოლუტური უმრავლესობის მიერ არჩეული მთავრობის გადადგომა, ეს სასაცილოა და სერიოზულ კომენტარსაც ვერ გავაკეთებ. ეს არის კიდევ ერთხელ დემონსტრირება იმისა, რომ ეს ადამიანები არიან ჩამოყალიბებული რაღაც გაუგებარ, მე არ მინდა ეს სიტყვა ვიხმარო, მაგრამ სხვა ვერაფერს ვუწოდებ, თუ არა სექტას, რომლებიც არ არიან ორიენტირებული ქვეყნის განვითარებაზე. მათი ამოცანაა, დესტრუქცია და შფოთვა შემოიტანონ. მითუმეტეს ამის ყველა საშუალება აქვთ, აქვთ ყველაზე მძლავრი მედიასაშუალება და ჰყავთ დესტრუქციული ძალები, რომლებიც ცდილობენ კანონს გარეთ არეულობა შემოიტანონ მოსახლეობაში, მაგრამ სახელმწიფო მათ კანონის ფარგლებში ადეკვატურ პასუხს გასცემს. არავის არ ვურჩევ, არც "ნაციონალურ მოძრაობას", ყველაზე დესტრუქციულ ძალას ქვეყანაში, რაიმე ფორმით, რაიმე სახით რაიმე დაგეგმოს. სახელმწიფო იქნება ძალიან დაუნდობელი კანონის ფარგლებში", - განაცხადა ირაკლი ღარიბაშვილმა.
