პრემიერმა ირაკლი ღარიბაშვილმა მედიის წარმომადგენლებთან შეხვედრისას ინფრასტრუქტურის კუთხით ქვეყანაში განხორციელებულ პროექტებზე ისაუბრა და აღნიშნა, რომ მთავრობამ გზები იმ სოფლებსა და რაიონებში დააგო სადაც არასოდეს დაგებულა.
ღარიბაშვილი განცხადებით, ,,ქართული ოცნების” მთავრობამ ორი წლის განმავლობაში 54 კმ მაგისტრალური ახალი გზა დააგო, მაშინ როცა სააკაშვილის ხელისუფლებამ ცხრა წლის განმავლობაში მხოლოდ 40 კმ დაგება მოახერხა.
,, გავაკეთეთ 54 კმ მაგისტრალური ახალი გზა, მე შეგახსენებთ რომ ეს არის სულ რაღაც 2 წლის შედეგი. მანამადე სააკაშვილმა და მისმა ხელისუფლებამ დააგო სულ რაღაც 40 კმ ცხრა წლის განმავლობაში. აშენდა 20 ახალი ხიდი, რეაბილტაცია ჩაუტარეთ 554 კმ გზას და 87 ხიდს. ჩვენ გზები დავაგეთ სოფელში რაიონებში, სადაც გზებია არასოდეს არ დაგებულა. თქვენ შეგიძლიათ ძალიან მარტივად გადაამოწმოთ ეს ინფორმაცია. Eეს არის კონკრეტული ფაქტები, რომელიც თქვენთვის მინდოდა წარმომადგინა”, _მიმართა პრემიერმა ჟურნალისტებს.
Pპრემიერის განმარტებით, 573 ჰიდროტექნიკური ნაგებობა გარემონტდა, რეაბილიტირებულია 3 000 კილომეტრი სარწყავი არხი. როგორც ღარიბაშვილმა განაცხადა 35 რაიონში განხორციელდა სასმელი წყლით უზრუნველყოფისთვის = 53 პროექტი.
