29 მარტამდე საქართველოში უნალექო ამინდი შენარჩუნდება და ჰაერის ტემპერატურა დასავლეთ საქართველოში 30 გრადუსამდე გათბება. როგორც ,,ჯი-ეიჩ-ენთან” საუბარში გარემოს დაცვის სამინიტროს მთავარმა, სინოპტიკოსმა დოდო გავზავამ განაცხადა 27-28 მარტს დასავლეთ საქართველოში ზემო იმერეთისა და კოლხეთის დაბლობზე აღმოსავლეთის მიმართულების ქარი გაძლიერდება.
,, 29 მარტამდე საქართველოში უნალექო ამინდია მოსალოდნელი. ხვალიდან ჰაერის ტემპერატურა მოიმატებს და დღის მაქსიმალური ტემპერატურა 30 გრადუსამდე გათბება. ამასთან 27-28 მარტს დასავლეთ საქართველოში ზემო იმერეთისა და კოლხეთის დაბლობზე აღმოსავლეთის მიმართულების ქარის გაძლიერება 20-25 მ/წმ-ში. რაც შეეხება აღმოსავლეთ საქართველოს ხვალ, ძირითადად თბილისისა და კახეთის რეგიონი ზოგან შეიძლება იყოს ნისლი. ჰაერის ტემპერატურა კი აღმოსავლეთ საქართველოში 20-22 გრადუსის ფარგლებში გათბება”, _განაცხადა ,,ჯი-ეიჩ-ენთან” საუბარში დოდო გვაზავამ და აღნიშნა, რომ 29 მარტიდან საქართველოში არამდგრადი ამინდია მოსალოდნელი.
მისივე განმარტებით, თბილისში ხვალ ღრუბელი და ნისლი შენარჩუნდება და ჰაერი 12 გრადუსამდე გათბება. მოდევნო დღეების განმავლობაში დღის ტემპერატურა უფრო მოიმატებს.