პრემიერი ირაკლი ღარიბაშვილი ,,ნაციონალების” დაგეგმილ აქციას მარნეულში სტუმრობისას გამოეხმაურა და განმარტა, რომ იქ იკრიბება ძალით და ფულით.
ღარიბაშვილის განმარტებით, ზოგიერთი დესტრუქციული ძალა ცდილობს ხელოვნურად შეაფერხოს ქვეყნის განვითარება, თუმცა პრემიერის თქმით, ხელისუუფლება არც ერთ ძალას არ მისცემს შესაძლებლობას ქვეყნის წინსვლა რაიმე ფორმით შეფერხოს.
,, დღეს თბილისში რამდენიმე ათასი ადამიანი იკრიბება ძალით და ფულით. ისინი მისტირიან წარსულს, ისინი მისტირიან ბოროტებას, ისინი მისტირიან არ განვითარებას. ჩვენ დღეს შევიკრიბეთ იმისთვის, რომ ვიზეიმოთ სიყვარული, ერთმანეთს კიდევ ერთხელ დავუდასტუროთ პატივისცემა, ვიფიქროთ ხვალინდელ დღეზე, ვიფიქროთ მომავალზე. აი ეს არის მომავლის საქართველო და არა ის, რომ ზოგიერთი დესტრუქციული ძალა ცდილობს ხელოვნურად შეაფერხოს ჩვენი ქვეყნის განვითარება. ჩვენ არც ერთ ძალას არ მივცემთ საშუალებას ჩვენი ქვეყნის წინსვლა რაიმე ფორმით შეფერხდეს. ჩვენ გვჯერა უკეთესი მომავლის. გვჯერა, ძლიერი საქართველოს და ძლიერი რეგიონის", - მიმართა ირაკლი ღარიბაშვილმა მარნეულის მოსახლეობას.
პრემიერი პრეზიდენტთან ერთად მარნეულში ადგილობრივებისთვის ნოვრუზ ბაირამის მისალოცად იმყოფებიან.
დღეს, 21 მარტს ხელისუფლების გადადგომის მოთხოვნით, ,,ნაციონალების აქცია” თავისუფლების მოედანზე 16:00 საათზე გაიმართება.
