ყოფილი პრემიერის ბიძინა ივანიშვილის განცხადებით, აბაშიძე-კარასინის ფორმატს "თავისუფალი დემოკრატების" სახით ახალი კრიტიკოსები გამოუჩნდნენ. როგორც ივანიშვილი აცხადებს აღნიშნული ფაქტი უცნაურია, რადგან როცა ხელისუფლებაში იყვნენ, აბაშიძე-კარასინის ფორმატს ტაშს უკრავდნენ.
,,კარასინი-აბაშიძის ფორმატს ძალიან აქტიურად აკრიტიკებენ, დღეს ახალი კრიტიკოსები გამოუჩნდათ "თავისუფალი დემოკრატების" სახით. ცოტა უცნაურია, როცა ხელისუფლებაში იყვნენ ტაშს უკრავდნენ. მოლაპარაკების ნებისმიერი ფორმატი საინტერესოა და უნდა შევეცადოთ მხოლოდ ამ გზით გადავწყვიტოთ ყველა პრობლემა", - განაცხადა ივანიშვილმა.
მისივე განცხადებით,გრძელდება ანექსიის გაღრმავების პროცესი, რაც ძალიან სამწუხაროა.
,,ხელისუფლება აკეთებს იმას, რაც შეუძლია. რაც შეუძლია და ვერ აკეთებს, იქ უნდა გავაკრიტიკოთ და არა, იმაზე რაც არ შეუძლია. კარგი მაგალითი გვაქვს, არ შეეძლო და შარვლიდან ხტებოდა სააკაშვილი და შედეგად მივიღეთ 2008 წელს კატასტროფა. დღეს ხელისუფლება ყველაფერს აკეთებს საერთაშორისო თანამეგობრობასთან ერთად და მაქსიმალურად ახერხებს ის სიტუაცია მაინც დავიჭიროთ, რომ არაღიარების თემა მაღლა ავწიოთ. ჩვენ განუხრელად უნდა გავაგრძელოთ, ის რაც დაიწყო 2014 წლის თებერვლიდან, ავაშენოთ ძალიან საინტერესო, დემოკრატიული სახელმწიფო და რუსეთი ვერსად ვერ წაიღებს ვერც ჩვენს ტერიტორიას, რომელსაც სამხრეთ ოსეთს უწოდებენ და ვერც აფხაზეთს", - განაცხადა ივანიშვილმა.
