თავდაცვის მინისტრის მინდია ჯანელიძის განცხადებით, ,,ქამრების შემოჭერის” პოლიტიკა არ შეეხება სამხედრო მოსამსახურეების ხელფასებსა და სოციალურ უზრუნველყოფას.
,,როგორც ითქვა ,,ქამრების შემოჭერის” პოლიტიკა შეეხება ადმინისტრაციულ ხარჯებს, სამივლინებო ხარჯებს, წარმომადგენლობით ხარჯებს, შესაბამისად თავდაცვის სამინიტრო ამ ნაწილში გარკვეულ შეზღუდვებს გააკეთებს. რაც შეეხება კაპიტალურ დანახარჯებს, სამხედრო მოსამსახურეების ხელფასებსა და სოციალურ უზრუნველყოფას, ამ მიმართულებით ეკონომია არ გვექნება”, _განაცხადა ჯანელიძემ.
თავდაცვის მინისტრმა მთავრობის სხდომის შემდეგ კიდევ ერთხელ განმარტა რომ მის უწყებაში კადრების შემცირება არ ხდება და ამ კუთხით გავრცელებული ინფორმაცია სიმართლეს არ შეესაბამება.
,,ამ ეტაპზე მიმდინარეობს სამხედრო პოლიციის რეორგანიზაციის პროცესი. რეორგანიზაცია გულისხმობს ახალი სისტემისა და სტრუქტურის შექმნას, შესაბამისად ვთქვი და კიდევ ვიმეორებ ყველა ის თანამშრომელი, რომელიც მანამადე მუშაობა სამხედრო პოლიციაში ყველა მათგანს ექნება შანსი ახალი სისტემისა და სტრუქტურის შიგნით გაგარძელოს მუშაობა. შემცირება როგორც ესეთი არ იგეგმება”, _განაცხადა ჯანელიძემ მთავრობის სხდომის შემდეგ.
