შეერთებული შტატები რუსეთს 2008 წლის აგვისტოს შეთანხმებით აღებული ვალდებულებების შესრულებისკენ მოუწოდებს. მოსკოვსა და ცხინვალს შორის გაფორმებულ დეფაქტო ხელშეკრულებას ვაშინგტონი კიდევ ერთხელ გამოეხმაურა. შახელმწიფო დეპარტამენტის პრეს-მდივნის, ჯენ ფსაკის თქმით, საქართველოს ოკუპირებულ რეგიონებთან ხელმოწერილი დოკუმენტი არალეგიტიმურია. ვაშინგტონი შეშფოთებას გამოთქვამს იმის გამოც, რომ ე.წ. ხელშეკრულებას ხელი ჟენევის მოლაპარაკებების პარალელურად მოეწერა.
